Biribil ecolabek bere ibilbidea hasi du

Biribil ecolab jaio da, diseinuaren gaitasun eraldatzailetik abiatuta eratu den enpresa-ekimena da. Gaur egungo ekoizpen eta kontsumo sistemei lotutako ingurumen arazoei aurre egitea du helburua.

Gure bezeroei ezagutza eta esperientzia zabala eskaintzen diegu, produktu berrien diseinu eta garapenaren alorretan, ingurumena hobetzeko estrategiak integratuz eta fabrikazio digitaleko tresnak erabiliz.

Ikerketa, karakterizazio eta aukera berriak antzematen dituen zerbitzuak eskaintzen ditugu, hondakinak aprobetxatzeko, material eta produktu jasangarri berriak ekodiseinatzeko eta prototipatzeko

Ekodiseinua diziplina eragilea izanik, sektore ezberdinetako enpresei nahitaezko trantsizio berdean laguntzen diegu, ingurumen-inpaktu txikiko irtenbideen bilaketan.

Arrasaten dugun egoitzatik, ekoizpen-sektore ezberdinetan estrategia zirkularrak ezartzea erraztu nahi dugu, gugan konfiantza duten enpresen ingurumen-aztarna murrizteko.