Galardones bilbao surf film festival sariak

LABORAL Kutxa Bilbao Surf Film Festival 2024ren IX. edizioaren amaiera ekitaldia eta sari banaketa Bilboko Itsasmuseumeko auditorioan egin zen, babesleak, laguntzaileak, gonbidatuak eta publiko orokorra bildu zituen ekitaldi batean. Taui Media ikus-entzunezko produkzio-etxeak antolatutako jaialdia bost egunez (otsailaren 28tik martxoaren 3ra) egin zen Bilbon eta Getxon, eta 20 herrialdetako 60 filmek hartu zuten parte.

Edizio honetarako, Biribil Ecolabek sari berritzaileen bi irtenbide diseinatu eta garatu zituen, fabrikazio gehigarriko teknologiaren bidez ekoitziak, Fangaloka, Birziplastik, Indart3D eta Manfacter enpresekin lankidetzan. Proiektu honek erakusten du ekodiseinuak tresna estrategiko gisa joka dezakeela ingurumen-inpaktu positiboa eta kultura-balioa sortzeko.

Sariak kontsumitu osteko hondakinetatik eratorritako plastiko birziklatua erabiliz egin ziren. Plastiko horiek Getxoko hondartzetan egindako hondakin plastikoen bilketaren bidez berreskuratu ziren, Getxoko Udalaren, Taui Mediaren, Fangalokaren, Alokaren eta UK Skateparken laguntzarekin. Ondoren, bildutako hondakinak bereizi, tratatu eta eraldatu egin ziren, sariak fabrikatzeko lehengai gisa berriro sartzeko, eta, horrela, materialaren zikloa itxi zen.